Wednesday, November 26, 2008

Заминување

Занемувам од болка
кога гледам
како бесни демони
го измачуваат
твоето веќе изнемоштено тело.

Дали ја гледаш
смртта додека спиеш?
Дали конец по конец
кинејќи го со ноктите
таа бессрамничка
ти ја зема душата?

Ајде,
стани сама,
знам дека можеш,
дојди до мене,
удри ме,
исплукај ми го лицето,
налути ми се
и навреди ме...

се ќе издржам,
но не и тоа
дека тивко се губиш
заминувајќи кроце
по патот на заборавот.





No comments: